2008 ili üçün Xərçəng bürcünə proqnozlar.

Ümumi mənzərə: Qarşınızda olduqca maraqlı bir il durur. Bununla yanaşı üzərinizə düşən vəzifələriniz də xeyli artacaq. Qarşılaşdığınız situasiyalarda ötkəm olmaqla, məsuliyyətinizi anlamaqla, həyatdan nə istədiyinizi başa düşməklə ilin ən xoşbəxt adamına çevrilə bilərsiniz.

Ailə və sevgi: İlin ilk üç ayında sevgidə mövcud olan anlaşılmazlıqları asanlıqla qaydasına salmağı bacaracaq və tərəf-müqabiliniz tərəfindən başa düşüləcəksiniz. Kənar müdaxilələrin qarşılıqlı münasibətlərə xələl gətirməsinin qarşısını alın. Evlənmək üçün ən uğurlu ay avqusta və ya noyabrdır.

Qarşılıqlı münasibət və dostluq: Aprel ayından başlayaraq şəxsi həyatınızda dönüş yarada biləcək bəzi şəxslərlə isti münasibətlər quracaqsınız. İlin ikinci yarısında ətrafınızın artmasını və güclənməsini təmin etmək üçün xeyli əziyyət çəkməli olacaqsınız. Lakin bunun ürəkaçan nəticələrini düşünüb-usanmaq bilməməlisiniz.

Fəaliyyət, karyera və maliyyə: Maddi baxımdan qənaətbəxş olsa da, fəaliyyət zəminində ilin ilk yarısı bir qədər passiv keçəcək. Yay aylarında isə qəfil dönüşün, sürətli inkişafın şahidi olacaqsınız. Hətta ola bilər ki, payıza doğru tanınmış bir məmurla və ya siyasi-ictimai xadimlə də əlaqə qurasınız. Payız aylarında riskli maliyyə sövdələşmələrini təxirə salın.

Sağlamlıq və istirahət: İlk aylarda müntəzəm surətdə müayinədən keçin ki, xəstəliklər tüğyan etməsin. Qızmar yayda isə hündür yerə çıxmaq, çimərliyə gedərkən risk etmək sizi xəstəxanaya sala bilər. Buna baxmayaraq, iyul-avqust aylarında vaxt tapıb yaxşıca istirahət etmək çox yaxşı olar.