2008 ili üçün Oxatan bürcünə proqnozlar.


Ümumi mənzərə: Siçovul ilinin iki aparıcı bürcündən biri də sizsiniz. Deməli, il ərzində çoxlarından şanslı, çoxlarından enerjili olacaqsınız. Bunu yanvar ayından özünüz də hiss edəcəksiniz. İlin ümumi göstəriciləri tez-tez yerdəyişmələrə məruz qalacağınızı bildirir.

Ailə və sevgi: Doğmalarınızla münasibətdə yalnız sabitliyin tərəfində olmalısınız. Bununla siz müvəffəqiyyətləri özünüzə yaxınlaşdıra bilərsiniz. Çalışmaq lazımdır ki, sevgi amili, ailə və qohumluq münasibətləri daha mülayim fonda nümayiş etdirilsin. Evlənmək üçün ən uğurlu ay oktyabrdır.

Qarşılıqlı münasibət və dostluq: İlk dörd ayda hər şeyə neytral baxın ki, konkret olaraq kimin lehinə, kimin əleyhinə olmağınız bilinməsin. Elə ki may ayı yetişdi, mövqeyinizi ortaya qoya bilərsiniz. Bu il həyatınızda əhəmiyyətli rol oynaya bilən təzə dostlar qazanacaqsınız.

Fəaliyyət, karyera və maliyyə: Fevraldan etibarən fəaliyyətdə parlaq zirvəyə çatacaqsınız, hətta yüksək vəzifə tutacağınız da mümkündür. Bununla yanaşı, may və oktyabr aylarında riskli pul sövdələşmələrindən, böyük məbləğdə yatırımlar qoymaqdan çəkinməlisiniz. Büdcənizlə bağlı yayın əvvəlindən başlayaraq hər şey normallaşacaq.

Sağlamlıq və istirahət: İl ərzində hansısa ciddi xəstəliyə tutulacağınız gözlənilmirsə də, yanvarda və ilin son iki ayında özünüzü xəsarət almaqdan qorumalısınız. Siçovul sizi yüngülvari soyuqdəymələrə də mübtəla edə bilər.