2008 ili üçün Balıq bürcünə proqnozlar.


Ümumi mənzərə: "Siçovul ilinin baş qəhrəmanı" olduğunuz üçün bütün proseslərin mərkəzində dayanacaq, hamıdan enerjili və şanslı olacaqsınız. Deməli, bütün gücünüzlə çalışmalısınız ki, ilin səmərəsini görəsiniz.

Ailə və sevgi: Tanışlıq, elçilik və nişan üçün çox uğurlu ildir. Təxminən, iyun ayının sonlarından tədricən başa düşüləcəksiniz, bu isə sizə qarşı məhəbbətin artmasına səbəb olacaq. Bütün göstəricilər böyük toy məclisini yalnız yay aylarına təyin etməyi məsləhət görür.

Qarşılıqlı münasibət və dostluq: Əgər ilin ilk yarısı bu müstəvidə davranışlarınız səhvsiz olsa, sonrakı müddətdə qənaətbəxş günlər yaşayacaqsınız. İyul-sentyabr aralığında həyatınıza yeni insanlar daxil olacaq və onlar şəxsi problemlərinizin həllində əhəmiyyətli rol oynayacaqlar.

Fəaliyyət, karyera və maliyyə: İlk aylarda üzləşdiyiniz proseslərin gərginliyi, fəaliyyətsizlik və maddi çatışmazlıqlar sizi yora bilər. Lakin mart ayından yeni simalarla işbirliyi qurmağınız ötən illərin kəm-kəsirlərini aradan qaldıracaq. Yayda yeni mənzil almaq üçün şanslarınız böyük olacaq.

Sağlamlıq və istirahət: İlk üç ayda səhhətlə bağlı problemləriniz qabarsa da, xəstəxanaya düşmək ehtimalınız yoxdur. Sadəcə olaraq, vaxt tapıb daxili orqanlarınızı, ələlxüsus da bağırsaq yollarını müalicə etdirməlisiniz. Səfərə çıxmaq üçün mart və avqust ayları daha münasibdir.