X
Xalça- səfərə çıxmaq xəbəridir. Xalça üstündə uçmaq həm də murada yetmək nişanəsi sayılır.
Xəlbir- nəsə bir ziyanlıq olacağını göstərir. Divardan xəlbir asılmağı qəriblik keçirmək nişanəsi sayılır.
Xəmir- yuxuda xəmir görmək qonaq gələcəyini göstərir. Xəmir yoğurmaq- xeyir-bərəkət qazanmaq hesab olunur.
Xəncər- işlərin axara düşəcəyini göstərir. Yuxuda xəncəri qına qoyursansa, çox istədiyin bir adam sizə qonaq gələcək.
Xəstə- yuxuda xəstə olmaq tərsinədir, uzun müddət azarlamayacağına nişanədir.
Xına- şadlıq olacağına işarədir. Toy-düyün üzünə yozulur.
Xoruz- hamilə qadın yuxuda xoruz görübsə oğlu olacaq.
Xurma- müjdə yuxusudur. Yuxuda xurma yeyən adam yaxınlarda şad bir xəbər alıb sevinəcək.