D
Daraq- qayğı hesab olunur.Yuxuda daraqla başını darayırsansa nəyinsə qayğısını çəkəcəksən.
Darı- yuxuda darı görübsənsə, bir müddət vaxtın ürəyincə olmayan xırda-xuruş işlərə keçəcək.
Daş- yuxuda daş daşımaq çətinliyə düşmək kimi yozulur.
Dəvə- xeyir-bərəkət yuxusudur. Yaxınlarda əlinə pul-para gələcəyinin əlamətidir.
Dəyirman- səxavət nişanəsidir.
Dəllək- yuxuda dəllək görmək, üz qırxdırmaq, baş düzəltdirmək ağrı-acıdan, dərd-bəladan qurtulmaq kimi yozulur.
Dərviş- müjdədir.Ən çox övlad müjdəsi kimi yozulur.
Dərə- uçurum dərə qarşına çətinliklər çıxacağınnan xəbər verir.
Dəri- yuxuda dəri görmək bəd sayılır, kasıblaşmaq, xərcə düşmək kimi yozulur. Oğurluq olacağı da gözlənilir.
Dərman- yuxuda dərman görmək, dərman içmək acılıqdır, xəstəlik, bəd hadisə olacağını göstərir.
Diş- diş çəkdirmək nəsə bir pis hadisə olacağına xəbərdarlıqdı.
Dırnaq- yuxuda dırnaq tutmaq yaxşıdır. Nəsə bir müşküldən qonub ayrılacaqsan.
Dovşan- haqqında dedi-qodu gözlədiyini bildirir.
Döyülmək- yuxuda döyülmək canı bərkimək, ağrı-acıdan uzaq olmaq nişanəsidir.
Düz- istək yuxusudur, mehribançılıq əlamətidir.
Duman- qayğıdır.
Durna- səfərə çıxmaq kimi yozulur. Ayrılıq əlaməti də sayılır.